පසුගිය මාසය තුල මාගේ ආත්මික ජීවිතය බොහෝ ලෙස දුර්වල තත්වයකට පත්ව තිබුණි. ඊට ප්රධාන හේතුව වූයේ දෙවියන්වහන්සේ සමඟ මා ගත කරන්නට වූ කාලය අඩුවීමයි.
බයිබල් අධ්යනයට වෙන්ව තිබූ කාලය වෙනත් වැඩ කටයුතු නිසා අතපසු වන්නට විය. මෙය දැඩි ලෙස මාගේ මානසික සමාදානයටත්, ප්රීතියටත් සෘජුවම බලපෑවේය.
මෙම හේතුව නිසා ලැබෙන සැම අවස්ථාවකම බයිබලය කියවීමට මම උත්සාහය දැරුවෙමි. නමුත් එය සිතූ තරම්ම සාර්ථක නොවීය. ආත්මික ජීවිතයේ වෙනසක් නොවීය. මම සමාදානය අත්දැක තිබුණෙමි. එය පැමිණියේ දෙවියන්වහන්සේ සමඟ කාලය ගත කිරීමෙන් පමණි. නැවතත් එම තත්වය කරා එළඹීමට මා මේ දිනවල දැඩි උත්සාහයක් දරමි.
යාච්ඤාව මාගේ ජීවිතයේ ප්රියතම කොටසක් විය. නමුත් ගතවූ පසුගිය මාසය තුල යාච්ඤාවේද මා පසුබසින්නට විය. මෙම දුර්වලකමේ ප්රතිවිපාක මාගේ ඇස් ඉදිරිපිටම පෙනෙන්නට විය.
ඊට හේතුව මා බොහෝ අය උදෙසා යාච්ඤා කිරීමට පුරුදුව සිටි බැවිනි. බයිබලයේ දෙවියන්වහන්සේ යාච්ඤා කර යුත්තේ කුමන දේ සඳහා දැයි සඳහන් කර තිබූ සෑම කරුණක් උදෙසා මා යාච්ඤා කරේ ඉතාමත් ප්රීතියෙනි. යාච්ඤාවේ කල් ගත කරන්නාවූ සියල්ලෝ මාගේ අත්දැකීම ලබා ඇති බව නිසැකය. එය සැබෑ ප්රීතියක් ගෙන දෙන කාලයකි. නමුත් මාගේ යාච්ඤා කාලය අඩුවෙත්ම මා යාච්ඤා කිරීමට පෙළඹුනේ මා ගැන පමණි. මෙය ආත්මාර්ථකාමී බව මා හට පැහැදුනේ බොහෝ දිනකට පසුවය. මෙයින් මිදීමට මාගේ උත්සාහ නැවත අන් අය උදෙසා පමණක්ම යාච්ඤා කිරීමයි.
සහෝදර කිතුණුවනි! කිසිදා මෙම තත්වයට ඔබ නොපැමිණේවා යයි මා දෙවියන්වහන්සේගෙන් ඉල්ලමි. කිසි දිනක මෙම තත්වයට ඔබ නොපැමිණෙන පිණිස වග බලාගන්න. දෙවියන්වහන්සේ සමඟ කාලය ගත කරන්නට අමතක නොකරන්න. උන්වහන්සේ අපව බිහිකර ඇත්තේ ඒ සඳහාය. මෙලොව කිසිම දෙයක් සදාකාලික නැත. සියල්ල පවතින්නේ දේව ආශිර්වාදත් ප්රීතියත් ඇතුව දේව දරුවා ජීවත්වන පිණිසය. නමුත් ඒ කිසිවකට දෙවියන්වහන්සේ හා ඔබ අතරට පැමිණෙන්නට ඉඩ නොදෙන්න.
මේ කෙටි ලිපිය ඔබට යම් කිසි ආකාරයකින් ධෛර්යයක් වේවා.
