නමුත් පාපය අවකාශ ලැබ, ආඥාව කරණකොටගෙන මා තුළ සියලු ආකාර තණ්හා ඉපදෙව්වේය. මක්නිසාද ව්යවස්ථාවෙන් වෙන්ව පාපය නැසී තිබේ. මම වරක් ව්යවස්ථාව නැතුව ජීවත්ව සිටියෙමි. නමුත් ආඥාව පැමිණි කල පාපය පණ ලැබුවේය. මමද මැරුණෙමි. මෙසේ ජීවනය පිණිස වූ ආඥාවෙන් මට මරණය පැමිණෙන බව දැනගතිමි. මක්නිසාද පාපය අවකාශ ලැබ, ආඥාව කරණකොටගෙන මා රවටා, එයින් මා මැරුවේය. එබැවින් ව්යවස්ථාව ශුද්ධය, ආඥාවද ශුද්ධය, ධර්මිශ්ඨය, යහපත්ය. (රෝම 7:8-12)
පාපය අප තුල වැඩිවූයේ නීතිය හඳුන්වාදීමෙන් පසුවය. නීතිය පැමිණීමට පෙර පාපය කියා කීමට දෙයක් නොතිබුනි. යම් ක්රියාවක් පාපයක් ලෙස හැඳින්වීමට හැකි වූයේ නීතිය දෙස බැලීම තුලිනි. නීතිය කැඩීම පාපයවේ.
පාපය බරපතල වූයේ නීතිය පැමිණි පසුය. ඊට පෙර එම ක්රියාවම අහංකාර ක්රියාව්ක් ලෙස හැඳින්වුවද, පාපය ලෙස හැඳින්විය නොහැකි විය. කඩ කර ඇත්තේ මෙම නීතිය යයි කීමට නොහැකි නිසා එවැන් වැරදි අහංකාරකම් ලෙස හැඳින්විය. දේව නීතිය දෙවියන්වහන්සේ මිනිසාට දීමත් සමඟ වරද පැහැදිලිවම පෙනෙන්නට විය. එම නිසා දැන් කැඩීමට නිතියක් ස්ථාපිතව තිබුනි. දැන දැන නීතිය කැඩීම දැන් පාපය ලෙස හැඳින්විය.
දේව නීතිය පිළිපදින්නා ජීවත්වනු ඇතැයි බයිබලය පවසයි. එම නීතිය කඩන්නා පව්කරැවකු වේ. පාව්කරුවාගේ දඬුවම මරණයයි. නීතිය සම්පූර්ණයෙන්ම පවත්වන්නා යහතින් ජීවත් වනු ඇත. නමුත් කිසිම මිනිසකු නීතිය සම්පූර්ණයෙන්ම ඉශ්ට කරන්නේ නැත. එක් නීතියක් පමණක් කැඩීම මුලු නීති මාලාවම කැඩුවා හා සමාන යයි බයිබලය පැහැදිලි කර දේ. ඊට හේතුව මිනිසා දෙවියන්ගේ ස්වරූපයෙන් මවණ ලද නිසා මිනිසා උන්වහන්සේ මෙන් සර්ව සම්පූර්ණව ජීවත් වීම දේව කැමැත්ත වන බැවිනි.
යේසුස් වහන්සේ ජීවනදායකයාණෝ ලෙස අප හඳුන්වන්නේ මේ නිසයි. යේසුස්වහන්සේ දේව නීතිය සම්පූර්ණයෙන් ඉශ්ට සිද්ධ කළ සේක. කිසිම නීතියක් නොකැඩූ සේක. එම නිසා උන්වහන්සේ මිනිසාට ආරාධනා කරන්නේ මිනිසාගේ පව් උදෙසා උන්වහන්සේ ගෙවූ වන්දිය පිළිගෙන ඒ වෙනුවට උන්වහන්සේගේ ධර්මිශ්ඨකම තමන්ට ලබාගැනීමයි.
ඒ නිසා අප කළ යුත්තේ අප කළ පව් පිළිගෙන, ඒ සඳහා පසුතැවීමයි. පසුතැවීම යනු අප ගමන් කරමින් සිටි මාර්ගයෙන් හැරී ධර්මිශ්ට ජීවිතයක් ගත කිරීමට උත්සාහ කිරීමයි. මෙම උත්සාහය මිනිසකු ධර්මිශ්ඨයකු නොකරයි. නමුත් මිනිස් හදවත දෙවියන්වහන්සේ දන්නා නිසා පසුතැවී උන්වහන්සේට සැබෑ ලෙස කීකරු වන්නාට දෙවියන්වහන්සේ බලාපොරොත්තු වන ධර්මිශ්ඨකම ඉශ්ට කිරීමට අවශ්ය ශක්තිය උන්වහන්සේගෙන් පැමිණෙයි. මෙය පව්කරුවා දෙවියන්වහන්සේ වෙත හැරුනු වහාම සිදුවෙන හාස්කමයි.
